Pájina aktualizada iha 16:14h, segunda-feira 21 Setembru

Timor-Leste presiza governasaun transparente ho responsável liu, afirma hosi Prezidente Repúblika

16 de Setembro de 2020, 19:42

Timor-Leste presiza governasaun ida ne'ebé responsável liu, transparente ho kordenadu" hodi proteje soberania ho evita atu aumenta dezigualdade sira iha planu internu bele hamosu "kolapsu Estadu nian", hatete hosi Prezidente Repúblika iha loron-tersa ne'e.


"Ohin, ameasa hasoru soberania la'ós de'it liuhosi uza forsa. Aumenta deziguldade sira iha planu internu bele provoka kolapsu Estadu nian", afirma hosi Francisco Guterres Lu-Olo, iha Parlamentu Nasional.

Tuir Prezidente, "hasoru susar hosi ameasa foun sira, asaun hosi Órgaun sira Estadu nian tenki adapta maka'as hodi proteje soberania" tanba "ezersísiu hosi poder obriga liután governasaun ida responsável, transparente ho kordenadu".

Francisco Guterres Lu-Olo ko'alia iha Parlamentu Nasional iha abertura hosi sesaun lejislativa datoluk hosi lejislatura dalima, iha momentu ida hosi relativa estabilidade hafoin períudu naruk ida ne'ebé marka hosi tensaun polítika iha nasaun.

"Autoestima sira, la'ós de'it hosi personalidade polítika sira, maibé mós hosi tékniku sira ho intelektual sira ne'ebé iha asesu ba meiu sira komunikasaun sosial nian, maski presiza peskiza sira ho análize klean sira, afirma ona hanesan opiniaun tékniku ho akadémiku loloos, kria konfuza loos entre polítiku ho tékniku ho hamosu apelu sira ba patriotizmu ne'ebé estraga ho uzu violénsia nian", nia afirma.

Husik "alerta ida", iha momentu ida hosi "ekilíbriu foun hosi forsa polítiku-partidáriu sira ne'ebé iha fatin iha parlamentu", Lu-Olo husu ona "atitude pozitivu" ida hasoru órgaun soberania sira, proteste "tendénsia vizível hosi kuadrante balun hodi difama ho hatete katak hanesan sala asaun sira ne'ebé mai" hosi Estadu, "dalabarak lahó argumentu loloos ne'ebé válidu".

"Ita hatene katak iha insufisiente sira ho imperfeisaun sira, maibé luta ho servisu hodi ultrapasa ho halo asaun di'ak hodi ita kontribui ba ita nia nasaun", nia defende.

Prezidente refere ona ba aumentu kompleksidade hosi sosiedade timoroan, ne'ebé obriga prosesu sira lejitimasaun, ho baze iha kbiit ida "klaru, lejítimu ho kredível" maibé reforsa konseitu hosi "sidadania partisipativu ho responsável".

"Nune'e, hanesan importante hametin espresaun plural hosi opiniaun sira, ho baze nafatin iha respeitu ba ema seluk no iha humildade hanesan kondisaun báziku sira ba konsolidasaun hosi demokrasia", nia afirma.

"Nesesáriu mós atu Parlamentu Nasional ho Governu funsiona ho efetividade maka'as ho kapasidade implementasaun, hodi hatán ho di'ak ba espetativa hosi ita nia populasaun no, ho efikásia, kontribui ba moris di'ak jeral", nia hatete.

Tanba ne'e, nia rekomenda, forsa polítika sira tenki buka entendimentu sira ne'ebé konsolida maioria, maibé ho nafatin "postura krítika konstrutivu hosi asaun Governu nian", uza partidu sira hanesan "fatin formasaun nian hosi kuadru sira ho militante sira", promove responsabilidade polítika ho sívika ho elevasaun sidadania nian.

"Ha'u apela atu ita promove ho dalan firmi ho konsekuente kultura krítika konstrutivu ida ne'ebé diresionadu ba konsolidasaun dame nian, unidade nasional ho integridade", "ho vantajen servisu nian no emprendedorizmu" hosi protesaun ambiente nian, fó prioridade ba populasaun, ba "rikusoin nasional" nasaun nian, nia hatete.

Lu-Olo refere mós ba promulgasaun foin lalais ne'e ba lei antikorupsaun, ne'ebé hatudu "vontade polítika firmi ho konsiente hodi garanti integridade, transparénsia, efisiénsia ho efikásia hosi instituisaun sira Estadu nian iha nia servisu ba interese públiku nian".

Nia hatete katak parlamentu ho Governu agora tenki servisu ho Komisaun Antikorupsaun, Prokuradoria-Jeral Repúblika nian, Polísia Sientífika hosi Investigasaun Kriminal ho tribunal sira "ho vontade polítika firmi ida ho konsistente ho kritériu sira rigor ho responsabilidade nian, hodi garanti susesu hosi kombate ne'e".

Lusa

 


Comentários

Critério de publicação de comentários